"குழம்பி...!"

இளஞ்சூட்டில் இதழ்ப் பதிக்க பரவசம்...!
இதமாய் கை அணைக்க சுகம்
ஆவி நுகர்ச்சி ஆன்ம இன்பம்...!
ஆடைக் களையும் நாவுக் கிளர்ச்சி..!!

குவளைக் கடையும் கைகள் மிதமாய்
பாற்கடல் அமுதம் விளிம்பில் இதமாய்
பருகத் ததும்பும் பருவ உணர்ச்சி
பார்த்துப் பருகும் பார்வை நுகர்ச்சி...!

வாய் சரிந்து வழியும் அமுதம்
இதழ்க் குவித்து இழுக்க வின்பம்..!
இனிய உணர்வில் கண்கள் செருகும்
மணக்கும் மணத்தில் மிதக்கும் மனம்...!!

கனக்கும் கணம் குறையும் கைகளில்
கணங்கள் கணக்கும் சுவைத்த மனம்...!
இதழ்க் கடை வழியும் ஒருதுளி
இழுத்துச் சுவைக்கும் நாவுக் கிறங்கும்...!!.

பிரிந்த காதலி பின்னொரு நாள்
காணும்...! இன்பதுன்ப இரட்டை உணர்ச்சி
குதூகளிக்கும் மனதுக்குள்...!!, இன்று காலை
கிடைத்த குழம்பியின் கடைசிச் சொட்டில்...!!!.