" பூத்தூவு...!"

என் சிந்தனை சிதைத்து
எண்ணங்களை அரித்து
அத்துமீறும் உன் மீதான
என் காதல்.

என் உணர்வுகள் தின்று
கறையான் புற்றாய் வளரும்
காதல் தினம் இரை கேட்கிறது...!
உயிர் இளைக்கும் ....
என் மனதால் யோசிக்க
முடியவில்லை....!

சிதைந்து கொண்டிருக்கும் என்
செல்கள் தின்று தீர்க்கும்
உன் காதல்...!
இன்னும் கொஞ்சநாள்...
அரித்துக்கொண்டிரு...!
ஆயுள் முடிந்து விடும்.

உணர்வுகளில் உட்கார்ந்து
நினைவுகள் அழிக்கும் உன்னால்
நிகழட்டும் என் தற்கொலை...!
சுருக்கு கயிறாய்...
உன் தாவணி என்
கழுத்து அணைக்கட்டும்...!

உன்னை அணைக்க முடியா என்
சீவனை அணைக்கும் தாவணியில்
என் காதல் சமர்ப்பிக்கிறேன்.

நிதம் நீ கொன்றது அறியா
உலகம் உண்மை தெரியாது
பிதற்றும்  என் பிணத்துக்குப் பின்னால்....
"தற்கொலை" என்று.

கலைந் தவிழும் உன்
கருங்கூந்தல் மறைத்தேனும்
கண்ணீர் சிந்து...!
என்னை உள்ளத்தில்
புதைத்துவிட்டு...
மார்மீது பூத்தூவு..!
என் கல்லரை மீது
உன் கடைசி மாலை...!
*********************************