" இப்போதேனும்"....!

உன்னையே நேசித்து... நேசித்து
உரமேறிய என் தேகத்தின்...
எரியும் சிதையில் வெடிக்கும்
என் நரம்பின் வெடிச் சப்தங்கள்
கேட்கிறதா ... கண்மணி...!

உடைந்து நொறுங்கும்
எலும்பின் மூலங்களில்
உருகி ஒழுகும்...
என் காதல் பார்... இன்னெழிலே...!!

உன் மீதான என் காதலின் வண்ணங்களை
உப்புக்கள் வெடித்து ...
ஒளிர்ந்துக் காட்டுகின்றன...!
இப்போதேனும் புரிகிறதா...? என் நேசம்..

நெஞ்சமே...!!
எரிந்துக் கொண்டிருக்கும்
என் காதலில்....
எஞ்சியிருப்பது வேகாத...
என் நெஞ்சுக்கூடு மட்டுமே...!!

உன் நினைவுகளின் சேமிப்புக் கலன் அது.
உடைத்து விடப் போகிறான்....
ஓடிவரும் அந்த வெட்டியான்.
தடுத்து நிறுத்து என் தங்கமே.

முற்றி முதிர்ந்த என் கபாலத்தில்
கசிந்தொழுகும் என் "கவிதைக் காதல்"
கவனிக்க மறக்காதே.

பிரியமாய் இருந்த காலங்களில்
பிரிந்துக் கிடந்தவளே...!!
இப்போதேனும் உன் காதல் சொல்...!
இல்லையெனில்....
இன்னுமொரு சென்மம் எடுப்பேன்.