"காதல் வரக் காரணமானால்..!!".

சின்ன சின்னதாய் பரிசு தந்து
சிற்சில நேரம் இரத்தம் சிந்தி
கடனாய் காதல் மடல் வாங்கி
சுயமென சொல்லி வரும் காதல்...
"கழிவிறக்கம்".
****************************

கவிதை புகழுரை கட்டுரை யென
கன்னியின் பாகம் பிரித்து இடம்
சுட்டி பொருள் விளக்கம் தரும்
புலகாங்கிதம்....!, காதல் வர காரணமானால்....
"மதி மயக்கம்".
******************************

சுயமற்று சுகமற்று சிந்தை களக்கமுற்று
நாயகி முன்பின் முகம் காட்டி
உடலுயிர் வற்றி சுற்றித் திரிந்து...
தொலைத்த வாழ்வில்...கிடைத்த காதல்...
"அறியாமை".
****************************

நட்பின் தங்கை, நம்பியவர் இல்நங்கை
ஏற்புடை நங்கையின் காதல் மறுப்பு,
பிற பெண்பால் காதல் தூண்டல்,
காதலியின் தோழி மீதேறும் காதல்...
"துரோகம்".
****************************

அழகியல், புறத்தியல், தோற்றப் பின்புலம்,
நடத்தை, நாகரீகம், குடும்ப சௌகரியம்,
பேரன் காலம்வரை போதுமான பொருளாதாரம்,
இடம் பொருள் யாவும் பார்த்த காதல்....
"சுய நலம்".
********************************